每次係觀塘想食野，唔係打冷就去APM食貴價餐廳，冇乜特別之餘又要貴到阿媽都唔認得，想話食好少少都食唔落口。…read more 後來同朋友一齊行落去裕民坊嗰頭，勁頹皮咁想話一係就打冷一係就去食蛇羹，行到通明街，仲未到蛇王娟嗰度，就發現好似開咗間新野（又或者可能係我地之前無留意到啦），店如其名，蠔應該就係招牌貨，可惜我同呢位朋友都係唔鍾意食蠔嘅，相反係俾佢啲意式食品餐牌吸引到。 入到鋪頭之後，發現環境都相當狹窄，二人臺最多都只可以擺到三款菜式，但對於每次都會嗌四至六道菜嘅我哋嚟講，就有少少問題啦。而且佢出菜都算快手，所以搞到我哋要盡快食完一道菜先至有位俾佢擺第二道菜，而且因為環境狹窄，食嘅時候都要就住就住。所以你問我到底佢啲餸菜好唔好味？我淨係記得我食得好辛苦，特別係食翡翠螺嘅時候，咪要用竹籤撩嘅，隻手要縮埋一舊咁撩...... 其實如果好似啲小鋪頭嘅話，盡量都唔好擺咁多台，起碼比食客有個舒服既飲食環境，返轉頭嘅機會都多啲吖嘛！